Grupi më i madh politik në Gjermani, CDU-SCU, është shprehur pro hapjes së bisedimeve për anëtarësimin e Shqipërisë në Bashkimin Evropian, me 75 vota pro e 25 kundër.
Ky ishte votim i draft-dokumentit që do të votohet të enjten në Bundestag.
Lajmin e ka përshëndetur kryeministri shqiptar Edi Rama.
“Lajm i mirë! Faleminderit të gjithë deputetët e CDU/CSU që më në fund votuan pro hapjes së negociatave. Ata që votuan kundër do t’i bindim në çdo hap me fakte se Shqipëria e meriton hapjen e negociatave. Faleminderit Angela për mbështetjen e pakursyer për Shqipërinë”, ka shkruar ai në Twitter.
