Ceremonia gala në Stamboll ku do të hidhet shorti për fazën e Grupeve të Champions League nisi me një çmim special, UEFA President Awards për heronjtë e Kopenhagen.
Ishte çmimi i parë mes të shumtëve që jepen në këtë ceremoni dhe padyshim që presidenti Ceferin, dorëzoi të parin këtë vlerësim për kapitenin e Danimarkës, Kjaer dhe stafet mjekësore që ndihmuan në reagimin e shpejtë në stadium, shkruan Ora News.
Një video me dëshmitë e të gjithë protagonistëve u vendos gjatë ceremonisë ku të gjithë zbuluan emocionet dhe atë që ndjenë gjatë asaj që ndodhi dhe që për pak i mori jetën një lojtari të madh si Christian Eriksen.
Në panel u ngjitën të gjithë protagonistët për të marrë vlerësimin nga UEFA, Mogens Kreutzfeldt (Shefi i shërbimit mjekësor), Frederik Flensted (përgjegjësi mjekësor i stadiumit), Anders Boesen (mjeku i urgjencës në fushë), Peder Ersgaard (ndihmësmjek),
Oficerët mjekësor të UEFA-s, Jens Kleinefeld, Valentin Velikov. Stafi mjekësor i kombëtares së Danimarkës, Morten Skjoldager (fizioterapist, shoqërues i mjekut), Morten Boesen (mjeki i ekipit).
