Klubi i Çelsit do të jetë i lirë të ndërhyjë në merkato në muajin janar. Blutë e Londrës të cilët e kishin të bllokuar merkaton, shpëtuan nga një vendim i TAS për t’ia përgjysmuar dënimin. Kështu, pas një viti të vështirë pa përforcime, tekniku Frenk Lampard do të ketë mundësin për të shprehur dëshirat e tij.
Pas largimit të Hazard në verë drejt Real Madrid, Çelsi vuan për një zëvendësues të belgut. Si lojtari ideal për ta zëvendësuar sulmuesin, është projektuar ylli i Dortmund, Xhejdon Sanço. Presidenti Roman Abramoviç ka përgatitur një çek prej 120 milionësh për të bindur verdhezinjtë, edhe pse nuk është e lehtë që tratativa të konkludohet në janar.
Ndërkohë, që për Sançon ka edhe shumë konkurrencë nga klubet më të mëdha europiane, megjithatë londinezët kërkojnë të shfrytëzojnë lidhjen e tij me Premier League, teksa më parë 19-vjeçari ka qenë pjesë e Mançester Sitit.
