Manchester City u trondit mbrëmjen e djeshme në Champions pasi teksa po udhëhiqte me shifrat 0-3, Feyenoord barazoi ndeshjen duke shënuar 3 gola në minutat e fundit.
Pas përfundimit të sfidës, trajneri Pep Guardiola u shfaq para mediave dhe vëmendjen e morën menjëherë gërvishtjet në fytyrën dhe kokën e tij.
Gazetarët e pyetën se çfarë kishte ndodhur dhe ai u përgjigj se: “E bëra me gishtin tim, me thoin tim”.
Kur e pyetën për arsyen, Guardiola duke qeshur tha: “Doja të lëndoja veten”.
Ndërkohë kujtojmë se Manchester City është bërë skuadra e parë në historinë e Championsit që kryeson me tre gola në minutën e 75-të dhe nuk arrin të sigurojë fitoren.
