Policia britanike ka evakuuar mëngjesin e sotëm sheshin Trafalgar, disa orë para se mijëra njerëz të mblidheshin në festën e organizuar me rastin e Jubileut Platinum të Mbretëreshës Elizabeth.
Shiriti i policisë mund të shihet në pamjet e videos së shpërndarë në rrjete sociale.
Mësohet se ka pasur një shpërthim të kontrolluar pasi është gjetur një automjeti dyshimtë, por kjo nuk është konfirmuar.
Rruga është mbyllur dhe këmbësorëve iu është thënë që të largohen nga zona.
Disa janë shprehur se dhe një hotel është evakuuar gjithashtu dhe pjesa e përparme e Galerisë Kombëtare, me pamje nga sheshi është mbyllur.
Një gazetar në vendngjarje, Jon Hansen, tha në Twitter se ai u nxor me shpejtësi nga hoteli i tij.
“Na thanë se po prisnin një shpërthim të kontrolluar. Na nxorën me nxitim në rrugë. Kur arritëm në anën tjetër të Trafalgarit dëgjuam një shpërthim të fortë.Policia dukej se e kishte nën kontroll situatën. Stafi i hotelit na kërkoi të dilnim të gjithëve para se policia të shpërthente makinën e dyshimtë ose ndoshta një paketë brenda saj”shkori në Twitter Hansen.
Të tjerë gjithashtu raportuan se kishin dëgjuar një zhurmë të fortë.
Ndërsa Policia e Westminsterit shkroi në Twitter: “Oficerët janë aktualisht në sheshin Trafalgar ku ata kanë evakuuar vendin e ngjarjes. Ju lutemi mos udhëtoni në zonë. Policia po qëndron në vendngjarje. Incidenti tani ka përfunduar dhe sheshi do të rihapet në kohën e duhur.’
Në vendngjarje kanë shkuar edhe forcat zjarrfikëse. Ekipet e ambulancës janë në dijeni të ngjarjes, por nuk janë thirrur.
