Mbrëmja e së mërkurës sjell shumë emocione në arenën europiane në superndeshjen Barcelona-Bayern Munchen, në Camp Nou.
Katalanasit duan vetëm fitore nëse duan të kërkojnë deri në fund kualifikimin më tej. Nga ana tjetër, Inter përballet me Viktoria Plzen.
Napoli, skuadra perfekte këtë sezon, përballet me Rangers. Italianët duan të thellojnë dhe më shumë rekordin, ndërsa Ajax me Liverpool. Holandezët janë shumë larg pritshmërive dhe i kanë shuar thuajse fare pritshmëritë e kaulifikimit më tej, por synimi i tyre është kalimi në Europa League.
Në ndeshjet e tjera, Atletico Madrid sfidon Bayer Leverkusen për të mbajtur gjallë shpresat e kalimit më tej, ndersa Club Brugge, që ka siguruar kalimin, përballet me Porton.
