Bayerni është shansi i madh i Kristjan Asllanit. Ky fakt është pohuar nga trajneri Inzaghi, i cili ka vendosur që mesfushori shqiptar të luajë titullar me Interin.
Pas rastit të humbur në Camp Nou me Barcelonën, talenti kuqezi u përball me një valë kritikash të ashpra.
Tashmë që zikaltërit janë të kualifikuar, Asllani ka rastin të tregojë kualitetin përballë një prej skuadrave më të mëdha në botë.
20-vjeçari do të luajë ndeshjen e parë si titullar në Champions, duke përfituar edhe nga fakti se Interi do të bëjë rrotacion në formacion, në prag të supersfidës së të dielës me Juventusin.
