Chelsea ka konfirmuar edhe zyrtarisht se e ka shkarkuar trajnerin Frank Lampard, si pasojë e rezultateve të dobëta në javët e fundit.
Lajmi për shkarkimin e tij vjen vetëm 24 orë pas fitores së Chelseat 3:1 kundër Luton Town në FA Cup, por forma e skuadrës në Premierligë lë shumë për të dëshiruar.
Chelsea i ka humbur pesë nga tetë ndeshjet e fundit në Premierligë, duke rënë në pozitën e nëntë në tabelë.
Në një komunikatë për media, Chelsea konfirmoi: “Ishte një vendim i vështirë dhe aspak një të cilin pronari i klubit dhe bordi e kanë pasur të lehtë ta marrin.”
“Ne i jemi mirënjohës Frankut për atë që ai e ka arritur si trajneri ynë. Megjithatë, rezultatet dhe paraqitjet në javët e fundit nuk i kanë plotësuar pritjet e klubit, duke e lënë ekipin në mesin e tabelës pa ndonjë rrugë të qartë të zhvillimit të qëndrueshëm”.
