Graham Potter ka rënë parimisht dakord për t’u bërë trajneri i ri i Chelsea. Mediat angleze publikojnë se tekniku aktual i Brighton do të jetë në stolin e “Bluve” të Londrës në ndeshjen ndaj Fulham, të shtunën.
Potter pritet të jetë zyrtarizohet shumë shpejt nga Chelsea, që nuk kërkon të humbasë më shumë kohë për të zëvendësuar Thomas Tuchelin, i cili do të marrë dëmshpërblim rreth 15 milionë euro për prishjen e njëanshme të kontratës.
Potter mori lejen nga drejtuesit e Brightonit për të nisur bisedimet me pronarët e Chelsea të mërkurën pasdite. Diskutimet kanë vijuar deri në mbrëmje dhe palët parimisht kanë rënë dakord për kushtet e kontratës.
