Chelsea arriti të fitojë 1-2 në transfertë ndaj Salzburgut në ndeshjen e pestë të vlefshme për fazën e grupeve duke siguruar vendin e parë.
Kroati Kovacic ishte autor i golit të vetëm në pjesën e parë, ndërsa austriakët reaguan në 45 minutat e dyta duke arritur të barazojnë me anë të Adamu. Megjithatë, gjermani Havertz realizoi një supergol duke i dhënë fitoren londinezëve.
Në minutën e 75-t u aktivizua edhe Armando Broja, i cili nuk arriti të linte gjurmë në këtë takim. Me këtë fitore, Chelsea arriti në kuotën e 10 pikëve kur ka mbetur edhe një ndeshje, Salzburgu 6 pikë, ndërsa Milani dhe Dinamo Zagreb, të cilat luajnë së bashku këtë mbrëmje, kanë nga 4 pikë.
