Manchester City ka ruajtur kreun e Premier Ligës me një fitore në ndeshjen më të rëndësishme për tifozët e kësaj skuadre, derbin ndaj Manchester United.
Skuadra e Pep Guardiolës ka triumfuar me shifrat 4-1 pas një sfide të cilën e ka dominuar plotësisht dhe ku rezultati përfundimtar ishte mëse i logjikshëm për atë që dhuruan ekipet në fushën e lojës.
De Bruyne kaloi në avantazh skuadrën e tij pas 5 minutash, por “djajtë e kuq” goditën me anë të Sanço me një kundërsulm të shpejtë.
Megjithatë, De Bruyne ktheu përsëri në epërsi ekipin e tij që në pjesën e parë, pas një aksioni të gjatë ku skuadra e Rangnik nuk arriti të largonte topin nga zona.
Në pjesën e dytë, e kishte radhën Mahrez të gjente dy herë rrjetën, për të vulosur këtë duel dhe për të siguruar që Manchester City do të vazhdonte të ishte në kryesimin e Premier Ligës, duke ruajtur diferencën prej 6 pikësh nga Liverpooli që e ndjek.
