Manchester City ka shënuar fitore të thellë ndaj Wolverhampton Wanderers, me rezultat 3-0, në kuadër të javës së shtatë në Premier League.
Golin e parë në ndeshje e ka shënuar Jack Grealish, në minutën e 1′, pas një asistimi nga Kevin De Bruyne. Derisa në minutën e 16′, Erling Haaland dyfishoi epërsinë e ‘qytetarëve’.
Në minutën e 33′, Wolfs mbetën pa një lojtar, pasi Nathan Collins, u ndëshkua me karton direkt të kuq, pas një ndërhyrje brutale ndaj Grealishit.
Me këtë epërsi prej dy golave, dy skuadrat shkuan në pushimin në mes dy pjesëve.
Pjesa e dytë ishte përsëritje e së parës, City shënoi edhe njëherë me Phil Foden, në minutën e 69′, i cili ishte edhe goli i vulosjes së fitores.
Man City, pas fitores mbetet në vendin e parë me 17 pikë, pas shtatë ndeshjeve.
