Show - Biz
City i vendosur për të luajtur finalen e parë të Championsit
Te Manchester City janë të vendosur për ta shkruar historinë në Ligën e Kampionëve. E për ta bërë një gjë të tillë, mbrojtësi John Stones ka thënë se City duhet ta eliminojë Paris Saint-Germainin në gjysmëfinale për ta prekur finalen e Championsit.
Në konferencën për shtyp ta mbajtur të hënën, Stones ka thënë se ai dhe bashkëlojtarët janë të gatshëm për të shkruar një kapitull magjik në historinë e Cityt. Në ndeshjen e parë gjysmëfinale, të luajtur javën e shkuar në Paris, City triumfoi ndaj kampionit në fuqi të Francës, PSG-së, me rezultatin 2:1. Ndeshja e kthimit do të luhet të martën mbrëma në “Eithad Stadium” prej orës 21:00.
“Jemi para një momenti të madh në Ligën e Kampionëve dhe synimi është që të shkruajmë historinë, fillimisht duke u kualifikuar në finale dhe pastaj duke e fituar këtë garë. Vetëm 90 minuta na ndajnë nga finalja dhe besoj se jemi të gatshëm. Vetëbesimi është i madh dhe ne do të dalim në fushë për t’u konfirmuar në finalen e Championsit”, ka thënë Stones. “Është një rast unik si për lojtarët, ashtu edhe për klubin tonë. Jemi në situatë të favorshme dhe nuk duhet ta lëshojmë rastin nga dora. Ne duam të shkruajmë historinë e këtij klubi”.
Në ndeshjen e luajtur në Paris, City shënoi dy gola për ta përmbysur rezultatin dhe për të bërë një hap të rëndësishëm drejt finales. Trajneri i Cityt, Pep Guardiola, u ka bërë thirrje lojtarëve të tij që të “prodhojnë një paraqitje perfekte” kundër Parisit për ta siguruar finalen e parë në histori të ekipit anglez.
Në fakt, City këtë edicion është në kërkim të tripletës. Ka triumfuar në Kupën e Ligës derisa i nevojitën vetëm edhe dy pikë për t’u konfirmuar kampion i Premier Leagues.
“Të gjithë e kanë parasysh se po përjetojmë diçka speciale këtë edicion. Jemi një hap larg titullit të kampionit, i cili do të jetë i treti brenda katër vjetësh. Ndërsa, jemi edhe shumë afër finales së Ligës së Kampionëve. Ne do të futemi me besim të madh në ndeshjen e dytë gjysmëfinale dhe besoj se lojtarët do të kenë një ndeshje perfekte për ta siguruar finalen e parë në histori të klubit”, është shprehur Guardiola. “Ne duhet ta bëjmë punën tonë dhe kjo është shumë e rëndësishme. Duhet të luajmë si ekip me mentalitet fituesi dhe ta fitojmë ndeshjen. Duhet të jemi më shumë agresivë si me top, ashtu edhe pa top që të fitojmë. Besoj se ekipi është i gatshëm për ta bërë hapin e shumëpritur, kualifikimin në finale”.
Te Paris Saint-Germaini kanë zbuluar se janë super të motivuar për ndeshjen e kthimit ndaj Cityt. Ekipi nga Ligue 1 po e kërkon finalen e dytë rresht në këtë garë. Edicionin e shkuar luajti në finale të Championsit por pësoi nga Bayern Munichu.
Mbrojtësi i krahut të djathtë, Alessandro Florenzi ka insistuar se Parisi mund të shënoj gola në “Etihad Stadium” dhe të sigurojë kalimin në finale, ndonëse pranoi se nuk do të jetë lehtë.
“Mendoj se kemi cilësi për ta bërë një gjë të tillë. Do të bëjmë presion prej fillimit të ndeshjes dhe jam optimist i madh. Mund të bëjmë gjëra të mëdha, pra të shkrijmë epërsinë e Cityt nga ndeshja e parë dhe të kualifikohemi në finalen e Ligës së Kampionëve për herën e dytë rresht”, ka thënë Florenzi. “Jemi përgatitur në mënyrën më të mirë të mundshme për ta fituar këtë ndeshje të madhe. Në fushë do të futemi me zemër, krenari dhe dëshirë për ta fituar ndeshjen dhe siguruar finalen”.
Ndërkohë, sulmuesi i PSG-së, braziliani Neymar ka thënë se do të bëjë të pamundurën për ta kualifikuar ekipin e tij në finale.
“Duhet të japim gjithçka nga vetja dhe të rikthehemi fuqishëm në ndeshjen e kthimit për ta siguruar finalen”, tha ndër të tjera Neymar.
Popular
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Rruga që gjarpëron mes liqeneve vezulluese dhe pyjeve të qeta të Masurias në Poloninë verilindore, duket si skena ideale për një arratisje fundjave në natyrë. Por pas qetësisë baritore dhe cicërimave të zogjve, peizazhi fsheh një nga kapitujt më të errët të shekullit të 20-të.
Këtu, në thellësi të pyllit, qëndrojnë rrënojat e mbuluara me myshk të “Strofkës së Ujkut” (Wolfsschanze) – qyteti sekret prej betoni nga ku Adolf Hitleri drejtoi makinerinë naziste të luftës dhe pushtimin e Bashkimit Sovjetik.
Qendra nervore e Rajhut të Tretë
E ndërtuar me shpejtësi në vitin 1941 nga Organizata Todt dhe puna e detyruar e të burgosurve, “Strofka e Ujkut” ishte shumë më tepër se një bazë ushtarake. Ajo ishte një fortesë e pathyeshme, e vendosur strategjikisht vetëm 80 kilometra larg kufirit sovjetik, për të mbikëqyrur Operacionin Barbarossa.
Kompleksi gjigant përfshinte 50 bunkerë, 70 kazerma, dy fusha ajrore, kinema, madje edhe një çajtore. Muret e bunkerëve arrinin një trashësi monstruoze prej 20 metrash beton, ndërsa një sistem i sofistikuar kamuflazhi dhe 50,000 mina tokësore e bënin atë të padukshëm dhe të paafrueshëm.
Përveç Hitlerit, i cili kaloi rreth 800 ditë këtu, në këtë “qytet në pyll” jetonin edhe figurat më të larta të regjimit si Goebbels, Göring dhe Bormann.
Rutina banale e së keqes
Vizita në rrënoja zbulon detaje rrëqethëse të jetës së përditshme të diktatorit. Hitleri, shpesh i sëmurë dhe me pagjumësi, e niste ditën duke lexuar raportet e bombardimeve dhe duke shëtitur qenin e tij, Blondi. Është një kontrast makabër: imazhi i njeriut përgjegjës për vdekjen e miliona njerëzve duke shëtitur qenin në qetësinë e pyllit, ndërsa disa metra më tutje planifikohej Holokausti.
Dështimi i “Valkyrie”
“Strofka e Ujkut” njihet botërisht si vendi ku historia mund të kishte ndryshuar rrjedhë. Më 20 korrik 1944, koloneli Claus von Stauffenberg tentoi të vriste Hitlerin duke vendosur një çantë me eksploziv nën tavolinën e konferencave.
Shpërthimi vrau tre persona, por Hitleri shpëtoi me lëndime të lehta, i mbrojtur nga këmba e rëndë e tavolinës së lisit. Ky dështim çoi në ekzekutimin e 5,000 personave dhe rriti paranojën e diktatorit, i cili pas kësaj ngjarjeje zhvillonte takime vetëm i rrethuar nga rojet SS.
Debati mbi “Turizmin e Errët”
Sot, vendi tërheq rreth 300,000 vizitorë në vit. Natyra ka rimarrë kontrollin mbi betonin; pemët rriten brenda bunkerëve dhe stalaktitet varen nga tavanet e errëta, duke i dhënë vendit pamjen e një qytetërimi të lashtë e të harruar.
Megjithatë, zhvillimi i fundit i zonës ka ngjallur debate. Në fund të vitit 2024, aty u hapën një hotel dhe një restorant. Për historianët, komercializimi i një vendi ku u orkestruan krime kundër njerëzimit është problematik. Por për të tjerë, ruajtja e këtij kompleksi shërben si një dëshmi fizike dhe e nevojshme e historisë, një paralajmërim i gdhendur në beton mes pyjeve të Polonisë.
Popular
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Ndërsa shumica prej nesh përgatiten për numërimin mbrapsht në mesnatë, tranzicioni global nga viti 2025 në vitin 2026 do të jetë në fakt një maratonë që do të zgjasë plot 26 orë, dhe jo 24 sa zgjat një ditë e zakonshme.
Ky fenomen ndodh për shkak të vijës së lakuar të ndërrimit të datës dhe tekave gjeopolitike të zonave kohore.
Të parët, ishulli i Krishtlindjeve
Sipas traditës, mesnata e parë që do të shënojë fillimin e vitit 2026 do të trokasë në atolin Kiritimati, i njohur ndryshe si Ishulli i Krishtlindjeve (i zbuluar nga Kapiteni Cook më 25 dhjetor 1777).
Ky ishull, pjesë e arkipelagut të Kiribatit në Oqeanin Paqësor qendror, ndodhet dy zona kohore në lindje të vijës ndërkombëtare të datës. Kjo bën që ata të jenë 13 orë përpara zonës sonë kohore (Shqipëri). Për ta kuptuar diferencën: edhe Sidnei i Australisë, që shpesh vetëshpallet si “Kryeqyteti Botëror i Vitit të Ri”, duhet të presë edhe 4 orë të tjera pas Kiritimatit për të ndezur fishekzjarrët e famshëm në Opera House.
Zig-zagu i kohës
Arsyeja e kësaj diference qëndron te Vija Ndërkombëtare e Datës. Kjo vijë imagjinare, e cila kalon nga veriu në jug, nuk është e drejtë. Që nga viti 1995, ajo ka pësuar një devijim të theksuar drejt lindjes (zig-zag), duke përfshirë brenda ditës së re arkipelagë si Kiribati, Samoa dhe Tonga, për t’i favorizuar ato në marrëdhëniet tregtare dhe kohore.
Të fundit, ishujt fqinjë me 24 orë diferencë
Paradoksi më i madh ndodh në fund të festimeve. Nga Kiritimati, nëse fluturon rreth 2,500 kilometra në jugperëndim, arrin në Samoan Amerikane. Këta ishuj do të jenë të fundit në planet që do të festojnë natën e Vitit të Ri, plot 26 orë pasi festa të ketë nisur në anën tjetër të oqeanit.
Çudia qëndron te fakti se Samoa e Pavarur dhe Samoa Amerikane, ndonëse janë pjesë e të njëjtit arkipelag gjeografik dhe ndodhen shumë pranë njëra-tjetrës, festojnë me 24 orë diferencë për shkak se vija e datës kalon mes tyre.
Kur viti 2026 të ketë përfshirë edhe ishullin e vogël të Tutuilas dhe Hawaiin, atëherë i gjithë planeti do të ketë hyrë zyrtarisht në vitin e ri.
Rekordi i Rusisë
Në terma kontinentalë, vendi me më shumë “Nata të Vitit të Ri” mbetet Rusia. E shtrirë në 11 zona kohore, nga enklava e Kaliningradit në Balltik e deri në Gadishullin e Chukotkas përballë Alaskës, Rusia feston për orë të tëra.
Edhe këtu, Ngushtica e Beringut ofron një tjetër kuriozitet: Chukotka ruse dhe Alaska amerikane ndahen vetëm nga pak kilometra det, por festojnë me një ditë të plotë diferencë.
Show - Biz
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Jennifer Lopez duket e fokusuar tek puna dhe fëmijët e saj, sipas burimeve pranë sak. Ajo ka binjakët 17-vjeçarë, Maximilian “Max” David Muniz dhe Emme Maribel Muniz, me ish-bashkëshortin e saj, Marc Anthony.
Divorci i saj nga Ben Affleck u finalizua në janar, rreth 20 javë pas se ajo e kishte depozituar kërkesën më 20 gusht 2024. Lopez kishte caktuar datën e ndarjes më 26 prill 2024. Kjo kërkesë erdhi dy vite pas celebrimit të tyre të dytë të martesës në Georgi, pasi kishin martuar fshehurazi në Las Vegas në korrik 2022.
Lopez dhe Affleck ishin të fejuar në fillim të viteve 2000, por u ndanë në 2004, përpara se të ribashkoheshin në vitin 2021, gati dy dekada më vonë.
Pas ndarjes, Lopez ka folur për jetën e saj si beqare në një intervistë për Interview magazine në tetor 2024. Ajo tha se ndihet e lirë dhe e gëzuar që mund të përqendrohet tek vetja e saj dhe të bëjë çfarë dëshiron.
Në të njëjtin muaj, në emisionin The Howard Stern Show, ajo tha se nuk do të përdorë aplikacione takimesh si Raya, sepse është “tradicionale”, por është e sigurt për të ardhmen. Lopez theksoi se ajo nuk dyshon në vlerën e saj: “Ajo që kam mësuar është se nuk është se nuk je i dëshiruar, por ata nuk kanë kapacitetin. Ata duhet të vlerësojnë personin e vogël brenda teje.”
Aktualisht, Lopez duket e lumtur, e qetë dhe e përqendruar në jetën e saj personale dhe familjare, duke shijuar lirinë dhe pavarësinë e re.
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Dasmë për 80-vjetorin! Këngëtarja “Cher” do kurorëzohet përsëri, partneri i saj 40 vite më i ri: S’më intereson mosha…
Raporti amerikan zbulon se sa armë bërthamore zotëron Kina dhe a mund të sulmojë SHBA-të!
VIDEO/ Alarm pranë Stambollit, 2 anije cisternë përplasen mes tyre në Detin e Marmarasë!
Kina rrit tensionet: Lëshon raketa drejt Tajvanit dhe rrethon ishullin me luftanije
Adriatik Lapaj: Vitin e Ri do e hamë në shesh te Kryeministria
Përse duhet të PUTHNI dikë mesnatën e Vitit të Ri?! Tradita që ju ndihmon
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Këta janë 10 kandidatët më të votuar në Vetëvendosjes
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Bashkimi me euron do të kishte mbuluar koston e NHS-së
Emigrantët kthehen, por Shqipëria nuk i mban
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Fqinji me Shqipërinë sapo shkroi historinë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK4 days ago
Rrëzohet aeroplani në Britani, alarm në aeroportin Southend në Londër
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania10 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
-
Kosova1 day agoKëta janë 10 kandidatët më të votuar në Vetëvendosjes