Manchester City ka zbuluar statujat e legjendave të klubit, Vincent Kompany dhe David Silva, në stadiumin “Etihad”, para duelit kundër Arsenalit në Premier League.
Ish-kapiteni Kompany u transferua te City nga skuadra gjermane Hamburg në vitin 2008, ndërsa Silva iu bashkua ekipit nga Valencia dy vjet më vonë.
Dyshja pati rol vendimtar në fitimin e katër titujve të Premier Leagues dhe dy Kupave FA.
Këto statuja janë të vendosura në pjesën lindore të stadiumit, ndërsa statujat e tyre janë krijuar nga skulptori Andy Scott.
Një tjetër legjendë e klubit, Sergio Aguero, që u largua drejt Barcelonës këtë verë, do ta ketë statujën e vet po ashtu, në vitin tjetër.