Një politikan rus, anëtar i Dumës ruse dhe aleat i Vladimir Putin ka kërcënuar në televizion se do të vrasë gazetaren gjermane që raporton për luftën nga Ukraina.
Aleksey Zhuravlyov, duke folur në emisionin e televizionit shtetëror rus “60 Minutes”, kërcënoi gazetaren gjermane të “Bild”, Björn Stritzel. Video shokuese është shpërndarë në Tëitter nga gaztarja Julia Davis, e cila monitoron propagandën ruse.
Që pas nisjes së pushtimit të Ukrainës, Putin ka forcuar censurën në media, ndërsa televizionet e kontrolluara nga Kremlini përdoren si mjete për të shpërndarë propagandë.
“Nuk më plas fare. Dua t’i them kësaj k**e naziste se do vijmë dhe do të të vrasim”, ka deklaruar ai live në televizionin rus.
Moderatori rus iu kthye ndërkohë duke i thënë: “Ata janë gazetarë, janë propagandistë, por le të mos vrasim njeri”. Megjithatë Zhuravlyov iu përgjigj duke i thënë: “Nuk më intereson fare”.
