Një copë torte nga dasma e princeshës Diana dhe princit Charles, trashëgimtarit të fronit, është shitur sot në një ankand për 1.850 funte (2.183 euro), shkruan The Guardian.
Kjo copë e madhe prej rreth 800 gramë, e kishte marrë dhe ruajtur një grua që kishte punuar në një prej 23 tortave që ishin përgatitur për dasmën e 29 korrikut 1981.
Torta e mbuluar me fill të bardhë, ishte zbukuruar me logon e mbretërisë britanike, me luanë dhe kali.
“Kemi qenë të befasuar me numrin e madh të njerëzve që kanë dashur të marrin pjesë në ankand për këtë copë të tortës mbretërore”, ka thënë për France Press, përfaqësuesi i shtëpisë së ankandeve dhe njëherit ekspert për gjësende mbretërore Chris Albery, duke shtuar se ka pranuar kërkesa për pjesëmarrje në ankand nga Britania, SHBA-të dhe Lindja e Mesme
