Në Shqipëri, humbjet e jetëve shtohen dita e ditës, e mes tyre ka dhe figura që janë të njohur për publikun. Gazetarët!
Covid-19 ka marrë miliona jetë njerëzish, mes tyre personalitete të njohur në botë e jo vetëm. Në Shqipëri, humbjet e jetëve shtohen dita e ditës, e mes tyre ka dhe figura që janë të njohur për publikun. Gazetarët!
Ata dhanë kontributin e tyre për mediat ku punonin mirëpo virusi iu ndërpreu karrierat dhe jetën në mes.
Lajmi i trishtë dhe më i fundit, ishte ndarja nga jeta e gazetarit sportiv Kostandin Grillo. 59-vjeçari humbi jetën me 5 tetor në Turqi, aty ku ishte duke u kuruar kundër Covid-19. Grillo qëndroi gjatë në Shqipëri, teksa ishte duke luftuar me virusin, që në fund i mori jetën. Humbja e tij la të trishtuar, familjarët, miqtë dhe kolegët.
Kasem Hysenbelliu, Presidenti i ‘Fax News’, Kasem Hysenbelliu është ndarë nga jeta më 5 dhjetor 2020 pas komplikacioneve të shkaktuara nga Covid-19. Hysenbelliu ishte dërguar në Turqi ku po merrte trajtim mjekësor por për fat të keq, nuk mundi të fitojë betejën me Covid-19, duke u ndarë nga jeta në moshën 59-vjeçare. Hysenbelliu është themeluesi i Fax News dhe Faxweb.al, ndërsa më herët ka drejtuar News24, Panorama Group dhe Balkanweb.
Anila Dushi po ashtu është në listën e gazetarëve që nuk ka mundur të fitojë betejën ndaj koronavirusit. Gazetarja nga Shkodra ishte e shtruar në repartin infektiv të spitalit të qytetit të saj, por pavarësisht përpjekjeve të mjekëve nuk arriti të mbijetonte. Gazetarja shkodrane ka qenë prej vitesh pjesë e medias së shkruar dhe asaj vizive si dhe ka dhënë kontributin e saj në edukimin e brezave të rinj, si pjesë e stafeve mësimore të Shkodrës.
Gazetari i njohur Lek Plani ka ndërruar jetë në fund të vitit 2020 nga Covid. 68-vjeçari ndodhej i intubuar në një nga spitalet Covid në Tiranë. Plani ishte gazetari i njohur i Radio Shkodrës, TVSH, Deutsche ëelle në shqip, si dhe i mediave lokale.
Arben Kosturi është gazetari i cili humbi jetën nga Covid në muajin mars të këtij viti. 53-vjeçari ishte i shtruar prej rreth 2 javësh në një nga spitalet Covid në Tiranë. Gjatë qëndrimit të tij në spital, u bënë thirrje për mbledhje fondesh në mënyrë që të dërgohej për kurim në Turqi. Kosturi ishte kryetar i shoqatës rome “Disutni Albania” në qytetin e Korçës, e prej vitesh njihet si një prej personave në mbrojtje të të të drejtave të romëve dhe egjiptianët.
Historiani dhe gazetari Nuri Dragoi po ashtu ka ndërruar jetë nga Covid. Ai humbi jetën në muajin tetor të 2020-ës. Dragoi ishte infektuar me koronavirus dhe për fat të keq nuk mundi të fitojë betejën me sëmundjen.
Gazetarja dhe shkrimtarja e njohur Zenepe Luka nuk mundi ta fitonte betejën me COVID-19. Ajo u nda nga jeta në moshën 72-vjeçare më 11 shkurt të këtij viti. Gazetarja dhe shkrimtarja e njohur ishte infektuar me virusin e rrezikshëm më 1 shkurt, por gjendja e saj shëndetësore u përkeqësua, duke bërë që ajo të shtrohej në spitalin Infektiv.
Përveçse një gazetare e mirënjohur dhe autore e 18 librave, Zenepe Luka ka dhënë kontributin e saj edhe në shoqërinë civile. Ajo ishte themeluese dhe kryetare e Shoqatës Kulturore “Al Bano & Romina Poëer” që nga viti 1996 dhe presidente e Fondacionit Kulturor Mbarëkombëtar “Nermin Vlora Falaschi” prej 18 vjetësh. Për kontributin dhe vlerat e saj, është vlerësuar me 30 medalje e “Mirënjohje” nga bashki brenda e jashtë vendit, si në Kosovë, disa shtete në Europë, diasporë dhe veçanërisht në Itali.
(a.b)/dosja.al
