Sipas faqes “Worldometer”, në 24 orët e fundit, në SHBA janë regjistruar 1.931 viktima nga koronavirusi i ri Covid-19.
Kështu numri i përgjithshëm i viktimave nga ky virus në vend është rritur në 81.987 në total.
SHBA është vendi më i prekur nga koronavirusi në botë dhe aktualisht është epiqendra e kësaj pandemie, ndërkohë çdo ditë bilanci i vdekjeve dhe rasteve të zbuluara në vend është duke u përkeqësuar.
Në 24 orët e fundit janë konfirmuar 18.342 raste COVID-19, duke e çuar numrin e përgjithshëm në 1.387.499. Kurse, numri i personave të shëruar është rritur në 262.225.
New York është shteti më i prekur nga koronavirusi në SHBA, me 347.151 raste të konfirmuara dhe mbi 27 mijë vdekje.
