Komiteti Teknik i Ekspertëve ka dalë sot në një komunikim me mediat dhe ka raportuar situatën e deritanishme.
Zv. ministrja e Shëndetësisë, Mira Rakacolli tha se java në vijim është një javë e rëndësishme për vlerësimin epidemilogjik në lidhje me treguesit dhe pastaj në bazë të shifrave do të vlerësohet efikasiteti i masave dhe në gjykimin se si do të vazhdojë gjendja.
Sa i përket situatës me pandeminë në vend, drejtoresha e ISHP, Albana Fico deklaroi se Shqipëria ka mesataren më të ulët sa I përket infektimeve për 100 mijë banorë.
Albana Fico: Atëherë sa i përket situatës epidemiologjike, incidenca dy-javore është 350 raste për 100 mijë banorë. Kjo shifër mbetet më e ulët se e rajonit, të cilat raportojnë 840 raste për 100 mijë banorë. Dhe më e ulët se mesatarja e BE, 510 raste për 100 mijë banorë.
Dy prefektuarat me incicenzë më të lartë vijojnë të jenë Tirana dhe Gjirokastra e pas tyre Lezha.
Sa i përket moshës të të infektuarve, Fico u shpreh se e prekur është grupmosha 55 – 64 vjeç, e ndjekur nga 65-75 vjeç.
Sipas drejtoreshës së ISHP, “Vihet re një qëndrueshmëri në spitalet COVID, por ka një rritje të lehtë të personave që kanë nevojë për terapisë intensive. Përqindja e humbjeve të jetës vijon të jetë 2.1%”.