Britania e Madhe dhe Bashkimi Evropian po shqyrtojnë shtyrjen e raundit të dytë të negociatave për marrëdhënien e tyre post-Brexit, parashikuar javën e ardhshme në Londër, për shkak të koronavirusit, sipas disa burimeve.
“Diskutimet mbeten të parashikuara për javën e ardhshme, por ne duhet të
vlerësojmë siuatën”, deklaroi një zëdhënës i kryeministrit britanik, Boris
Johnson.
“Ne do të ndjekim këshillat e shkencëtarëve. Do të ketë një vendim të
përbashkët Britani e Madhe-BE për të pare se si mund ta zhvillojmë këtë cikël
negociatash”, sipas të njëjtit burim.
Një burim diplomatik në Bruksel konfirmoi se ekziston mundësia që ngociatat të
anulohen. Ne do të shqyrtojmë për alternative”, deklaroi i njëjti burim.
Numri dy i qeverisë britanike, Michael Gove theksoi se bëhej fjalë për një
çështje të hapur.
Brexit, hyrë në fuqi më 31 janar, ka hapur një periudhë tranzicioni deri në
fund të vitit, gjatë të cilës Londra dhe Brukseli shpresojnë të krijojnë një
marrëdhënie të re.
Negociatat kanë filluar në Bruksel më 2 mars, para një cikli të dytë
negociatash, parashikuar javën e ardhshme në kryeqytetin britanik./ATSH/
