Guvernatori i shtetit të Nju Jorkut, Andrew Cuomo, tha se shteti i tij ka ventilatorë të mjaftueshëm në rezervat e tij vetëm për gjashtë ditë, sipas “The Guardian”.
Cuomo vuri në dukje se shteti lëshoi 400 ventilatorë në qytetin e Nju Jorkut mbrëmë dhe do të shpërndajë ventilatorë bazuar në nevoja, në javët në vazhdim.
Shteti po eksploron mënyra për të zgjeruar kapacitetin e tij për ventilatorë, duke përfshirë ndarjen e tubave të ventilatorëve dhe konvertimin e makinave BIPAP.
Andrew Cuomo tha se numri i personave të shëruar është rritur, por paralajmëroi se shteti ka ende nevojë për më shumë shtretër spitalore për t’u përgatitur për kulmin e krizës.
“Shtretërit mund t’i gjejmë, komponenti më i vështirë është personeli dhe furnizimet”, tha Cuomo.
