Kryetarja e Komisionit Qendror i Zgjedhjeve, Valdete Daka, tha se edhe pse nuk është ky vit zgjedhor tashmë dihet se zgjedhjet janë të pashmangshme.
Sipas saj, KQZ-ja është e përgatitur për këtë proces kurdo që zgjedhjet shpallen.
“Ne jemi te gatshëm dhe kurdo që zgjedhjet shpallen ne do t’i organizojmë”.
Komisioni Qendror i Zgjedhjeve gjithashtu ka diskutuar lidhur me rastet për Prokurorinë e Shtetit për zgjedhjet e parakohshme parlamentare të vitit 2017.
Florian Dushi nga Këshilli për Çështje Ligjore, ka njoftuar lidhur me rastet për Prokurorinë e Shtetit për zgjedhjet e parakohshme për Kuvendin e Kosovës në vitin 2017.
“I rekomandojmë KQZ-së që të aprovojë kërkesën për të njoftuar Prokurorinë e Shtetit për shkeljet, manipulimet apo abuzimit që janë konstatuar në qendrën e numërimit të rezultateve në 2017”.
“Subjektet kanë vota ndërsa kandidati jo, kandidati ka vota e subjekti jo, kandidati ka më shumë vota se sa subjekti politik, gjithë kandidatët kanë më shumë vota se sa vetë subjekti politik, këto janë disa nga shkeljet e vërejtura në 2017”.
“Prokuroria ka rekomanduar KQZ-në që vendvotimet që kanë pasur dallim pas rinumërimit për mbi 100 vota të mos i asgjësoj fletëvotimet nga zgjedhjet e mbajtura së fundmi herë në komunat e veriut të Kosovës dhe të sillen si dëshmi në organet e drejtësisë, në Prokurorinë e Shtetit”.
Daka kërkoi që edhe personat që kanë votuar më shumë se njëherë të hetohen sepse ka të tillë.
“Pragu 50% të mospërputhjes së votave dhe zgjedhjet e vitit 2017, ndërsa për zgjedhjet lokale të 2017 dhe ata që kanë votuar më shumë se njëherë pritet një rekomandim tjetër”.
Gjithashtu në këtë mbledhje KQZ-ja ka marrë vendim për miratimin e kërkesës së tri partive të reja.
“Konstatohet se me 8 vota për është regjistruar subjekti politik Partia Balliste me numër rendor 54″, tha kryetarja e KQZ-së, Valdete Daka.
“Me 9 vota për është regjistruar Partia Demokratike e Diasporës (PEK), me numër rendor 55”.
“Me 9 vota për është regjistruar Partia Demokratike e Diasporës, me numër rendor 56”.
Në këtë mbledhje është parashikuar që të diskutohet edhe lidhur me rastet për Prokurorinë e Shtetit për zgjedhjet e parakohshme parlamentare të vitit 2017./Klan Kosova/
