David Beckham ka tërhequr vëmendje në rrjete sociale pasi zbuloi një “incident flokësh” të dielën, kur vendosi t’i presë vetë flokët dhe përfundoi me një njollë të dukshme tullace në majë të kokës.
Legjenda 50-vjeçare e futbollit, i njohur për ndryshimet e shumta të stilit gjatë viteve, hoqi dorë nga modeli i zakonshëm dhe tentoi të rikrijojë pamjen e tij të rruar nga vitet 2000, por pa sukses.
Teksa ndau një selfie të re ku përpiqej të rregullonte dëmin me një prerje edhe më të shkurtër, ai shkroi me humor: “Më e mira që mund të bëj me situatën. @victoriabeckham ende tmerrshëm?”, shkruan DailyMail.
Victoria, e cila filmoi momentin e dështimit dhe e ndau me ndjekësit, e përshkroi prerjen si “tmerrësisht të keqe”, por më vonë pranoi se “ishte shumë e dhënë pas pamjes së re”.
Përtej shakave të flokëve, Beckham kohët e fundit nisi edhe një fushatë mbledhjeje fondesh me rastin e ditëlindjes së tij të 50-të, në mbështetje të UNICEF-it, për të ndihmuar fëmijët në nevojë anembanë botës.
Ai theksoi rëndësinë e mbrojtjes dhe edukimit të vajzave në vende të prekura nga varfëria dhe dhuna, duke kërkuar ndihmën e publikut për të bërë një ndryshim real. /Telegrafi/
