Gervonta Davis me një nokaut spektakolar, që nga shumë është vlerësuar si kandidat për nokaut të vitit, e ka mposhtur amerikanin Leo Santa Cruz, duke bashkuar titujt e botës në boks profesionist.
Boksieri amerikan që menaxhohet nga Floyd Mayweather, ka mbrojtur titullin WBA në peshën e lehtë, por njëkohësisht ka fituar edhe titullin WBA në peshën super-pendël. Rezultati ishte u ngushtë pas pesë raundeve, por Davis me një aperkat të fuqishëm e rrëzoi Santa Cruzin në raundin e gjashtë.
Për Davisin është fitorja e 24-të në boksin profesionist, ndërsa 23 prej tyre i ka me ndërprerje. Santa Cruz ka përfunduar humbjen e dytë në karrierë, karshi 37 fitoreve e një barazimi.