Kemi folur me njerëz në terren në qytetin jugor izraelit të Arad-it, ku një raketë iraniane goditi mbrëmë – duke plagosur 84 persona.
Aubrey Isaacs, një mësues dhe ciceron turistik – me origjinë nga Glasgou – thotë se muret e shtëpisë së tij u drodhën kur një raketë goditi një ndërtesë që është pesë minuta larg në këmbë.
“Dëgjuam një zhurmë të madhe bumi dhe shtëpia u drodh. Kuptuam se kishte qenë një goditje me raketë, sepse normalisht dëgjojmë bum-et e interceptimeve. Por këtë herë ishte një zhurmë shumë e ndryshme.”
Ai thotë se zhurmat e ambulancave dhe helikopterëve dëgjoheshin gjatë gjithë natës dhe më vonë zbuloi se shtëpia e një miku ishte shkatërruar në sulm.
“Ky është një qytet i qetë në shkretëtirë dhe dëmi ka qenë i jashtëzakonshëm”, thotë ai.
Pesëmbëdhjetë persona u plagosën në sulmet që kishin në shënjestër Izraelin, thotë shërbimi i ambulancës
Shërbimet izraelite të emergjencës, Magen David Adom, thonë se 15 persona janë plagosur pas sulmeve ajrore që synojnë Izraelin.
Një zëdhënëse thotë se një burrë 53-vjeçar është në “gjendje të moderuar”, ndërsa 14 të tjerët janë në një “gjendje të lehtë”.
15 të plagosurit po trajtohen në spital, thuhet në njoftim, ndërsa do të ketë një përditësim më pas.
