Palët diskutuan masat që synojnë parandalimin e angazhimit të mundshëm ushtarak në Mesdheun Lindor
Ministria e Mbrojtjes e Turqisë njoftoi sot se është zhvilluar takim teknik midis delegacioneve ushtarake turke dhe greke, transmeton Anadolu Agency (AA).
Sipas kumtesës, dy palët diskutuan masat që synojnë parandalimin e angazhimit të mundshëm ushtarak në Mesdheun Lindor, duke shtuar se pritet të mbahet edhe një takim tjetër.
Greqia ka kontestuar eksplorimin e tanishëm energjetik të Turqisë në Mesdheun Lindor, duke u përpjekur të bllokojë territorin detar turk bazuar në ishuj të vegjël pranë bregdetit turk.
Turqia, vendi me vijën më të gjatë bregdetare në Mesdhe, ka dërguar anije shpimi për të kërkuar energji në shelfin e saj kontinental, duke thënë se Turqia dhe Republika Turke e Qipros Veriore (TRNC) kanë të drejta në rajon.
Dialogu për ndarjen e këtyre burimeve në mënyrë të drejtë do të jetë një fitore për të gjitha palët, thonë zyrtarët turq.
