Festim Peza, një punëtor ndërtimi, është dhunuar fizikisht nga policia mbrëmjen e djeshme.
Denoncimin e bën publik ish kryeministri Sali Berisha, i cili shprehet se dhuna e efektivëve vjen vetëm për faktin se i dhunuari është simpatizant i Partisë Demokratike.
“Keqtrajtim shtazor dhe politik tek dera e shtëpisë e Festim Pezës, një punëtori llaçi, i cili po kthehej në shtëpi. Dënoj me ashpërsinë më të madhe qëndrimin shtazor të narkobanditëve me uniformë dhe përdorimin e pandemisë për dhunë politike nga Edvin Kristaq Xhelati dhe shpreh solidaritetin tim të plotë me demokratin Festim Peza dhe familjen e tij”, shkruan Berisha, ndërsa publikon edhe denoncimin e qytetarit.
“Mirëmbrëma Doktor Berisha! Uroj të jesh mirë familjarisht. Mbrëmë policia e Edvin Kristaq Ramës keqtrajton dhe përplas për tokë duke e goditur para shtëpisë së vetë një demokrat, Festim Pezën, punëtor llaçi, vetëm se është demokrat”.
