Një anëtar i njohur i Komitetit 1922 i përbërë nga deputetë konservatorë, ka bërë thirrje që Dominic Cummings “të largohet”.
Steve Baker, deputeti për Wycombe dhe ish-ministri i Brexit, ka postuar në Twitter: “Është e patolerueshme që qeveria e Boris po humbet kaq shumë kapital politik.
Kërkohen menjëherë tre ndryshime:
- Qeveria ka nevojë për këshilla të ekspertëve konkurrues
- Qeveria duhet të insistojë në standarde të larta të inxhinierisë softuerike
- Dominik Cummings duhet të largohet
Në revistën The Critic, Baker e quajti Cummings “të shkëlqyer”, por shkruajti se pretendimet për një shkelje të mëtejshme të bllokimeve në gazetat e së dielës janë “katastrofë” dhe se ai kishte thyer qartë udhëzimet që i mbanin prindërit në shtëpi.
Ai shtoi: “Dominic Cummings duhet të shkojë para se të bëjë ndonjë dëm tjetër në Mbretërinë e Bashkuar, Qeverinë, Kryeministrin, institucionet tona ose Partinë Konservatore. Është koha që Dom të japë dorëheqjen në mënyrë që Boris të mund të qeverisë brenda konventave dhe normave”/BBC
