Nuk ka dhënë fitues përballja e skuadrave të mëdha angleze, Tottenham Hotspur e Manchester United. Ndeshja e xhiros së 30-të, e luajtur të premten në mbrëmje ka përfunduar me rezultatin 1:1.
Steven Bergwijn shënoi për 1:0 në të mirë të Tottenhamit në minutën e 27-të. Një pikë Man Utd e siguroi falë golit të Bruno Fernandesit nga penalltia në minutën e 81-të.
Eric Dier e ka ndalur Paul Pogban në zonë. Fernandes nuk gaboi nga pika e bardhë.
Në minutën e 89-të Manchester Unitedit iu akordua edhe një penallti. Këtë herë Dier ndërhyri në Bruno Fernandesin. Por pas rishikimit të situatës në VAR u anulua penalltia.
Manchester United është i pesti me 46 pikë, kurse Tottenham i teti me 42 pikë.
