Manchester United dhe Liverpooli kanë ndarë pikët në “Old Trafford”, duke barazuar 0-0.

Liverpooli i Jurgen Kloppit nuk arriti të marrë më shumë se një pikë në udhëtim te Manchester Unitedi, duke bërë që gara në Premierligë të bëhet gjithnjë e më interesante.

Dy skuadrat kishin rastet e veta në një ndeshje që pothuajse dhuroi gjithçka, po ashtu edhe polemika, gol të anuluar të “Djajve të kuq” për pozitë jashtë loje, por gjithçka u mbyll me rezultatin që edhe filloi ndeshja.

Me këtë pikë të marrë në udhëtim, Liverpooli tani është vetëm një pikë para Manchester City, 56 me 55, çka do të thotë se gara për titull është bërë shumë interesante.