Brajan Gruda u shfaq protagonist në ndeshjen që ekipi i tij, Brighton fitoi përballë Oxford Utd. Sfida e vlefshme për fazën e 1/32-ave të EFL Cup, përfundoi 0-6 në favor të ekipit të Premier League.
Sulmuesi me origjinë shqiptare, ishte pikërisht ai që shënoi një nga golat dhe asistoi në një tjetër. Pikërisht për këtë paraqitje pozitive, ai është bërë pjesë e “Formacionit të Javës”, të kësaj faze të EFL Cup. Gruda është vlerësuar gjithashtu me notën 9.3
Kujtojmë se sulmuesi shqiptar që përfaqëson Gjermaninë deri më tani, është një dëshirë konkrete e trajnerit Sylvinho. Megjithatë, 21-vjeçari nuk ka vendosur përfundimisht.
