Policia e Malit të Zi ka dhënë detaje për masakrën që tronditi ditën e premte vendin fqinj, ku një burrë vrau 10 persona, përfshirë dy fëmijë, përpara se të vritej nga një fqinj.
Drejtori i Policisë malazeze, Zoran Brdjanin tha se agresori përdori një çifte gjahu për të vrarë fillimisht dy fëmijë të moshës 8 dhe 11 vjeç, së bashku me nënën e tyre, të cilët jetonin me qira në shtëpinë e tij, në lagjen Medovina të Cetinjës.
Më pas, sipas Brdjanin, ai doli në rrugë dhe qëlloi 13 persona të tjerë, duke vrarë 7 prej tyre. Autori u identifikua nga autoritetet si 34-vjeçari me inicialet V.B.
“Për momentin, nuk dihet pse V.B. kreu këtë krim makabër”, tha Brdjanin.
