Operatori hekurudhor gjerman, “Deutsche Bahn” pësoi një humbje neto prej 3,7 miliardë eurosh për shkak të pandemisë dhe kjo është kriza më e rëndë financiare në historinë e tij.
“Virusi ka ngadalësuar brutalisht rritjen tonë dhe e ka zhytur ‘Deutsche Bahn’-un në krizën më të rëndë financiare që nga krijimi i saj”, njoftoi sot grupi në një deklaratë.
Për vitin 2020, “Deutsche Bahn” pret një humbje të pashembullt operative prej 3,5 miliardë eurosh, si edhe një rënie drastike të qarkullimit vjetor të saj, në 38,5 miliardë euro.
Për të shpëtuar “Deutsche Bahn” përballë krizës së COVID-19, shteti gjerman rikapitalizoi grupin në fillim të qershorit, në shumën prej 5 miliardë eurosh.
