Gazetari i Euronews Albania, Kosovë Gjoci ka bërë me dije përmes një njoftimi në Facebook dhunën që i është ushtruar nga truprojat e Albin Kurtit.
Ai ka bërë me dije se njerëzit që kujdesen për sigurinë e kryeministrit të Kosovës e kanë shtyrë pa qenë e nevojshme dhe madje i kanë rrezikuar mjetet e punës.
Në një intervistë për Euronews Albania, Gjoci tha se është kërcënuar nga një nga truprojat.
“I pari është një tullac, nëse mund ta quaj kështu që më shtyn dhe bien pajisjet në tokë dhe më pas vjen tjetri, pas reagimit tim dhe më tha ‘më shiko në sy e më mbaj mend mirë’,” – tregoi Gjoci.
Çfarë i kishte bërë më shumë përshtypje gazetarit ishte prania e kryeministrit Kurti dhe mos reagimi i tij pasi e pa të gjithë skenën.
