Një diamant i rrallë mbi 100 karat, i cilësuar ndryshe, diamanti i bardhë i përsosur pritet të dalë në shitje në shtëpinë e Ankandeve, Sotheby’s. Ai konsiderohet si një nga diamantet më të rrallë dhe pritet të kapë vlerën e 12-30 milionë dollarë.
Shtëpia e Ankandeve Sotheby’s tha se xhevairi 102.39 karat, me një shkëlqim të përsosur, është diamanti i dytë më i madh oval i këtij lloji që del në shitje.
Më i madhi, një diamant 118.28 karat – u shit me çmimin rekord prej 30.8 milion dollar, në Hong Kong në vitin 2013. Vetëm shtatë diamante të tillë – të njohur si diamante të bardhë të përsosur, mbi 100 karat, janë shitur më herët në ankand.
“Ne po shohim një diamant të jashtëzakonshëm,” tha Quig Bruning, kreu i Departamentit të Bizhuterive në Sotheby’s, Neë York.
“Për herë të parë në historinë tonë, ne po e ofrojmë këtë diamant pa rezerva, pa vlerësim paraprak. Dhe po e lëmë tregun të vendosë.”
Diamanti do të shitet pa një çmim rezervë në Hong Kong më 5 tetor.
Dy prej diamanteve më të mëdhenj në botë i përkasin monarkisë britanike dhe formojnë pjesë të Jewels Crown British.
Rekordi botëror për çdo diamant të shitur në ankand u vendos në 2017 kur një diamant ngjyrë trëndafili prej 59,60 karat, u shit për 71,2 milion dollar, një argjendari në Hong Kong.