Një nga diplomatët më të lartë të Kinës në Mbretërinë e Bashkuar është përfshirë në dhunën kundër protestuesve pro-demokracisë në konsullatën e Mançesterit , ka thënë një deputete britanike.
Alicia Kearns, një deputete konservatore, tha se konsulli i përgjithshëm i Pekinit në Mançester, Zheng Xiyuan, u pa duke “shqyer postera” përpara se një aktivist i Hong Kongut të sulmohej të dielën.
Pamjet e postuara në internet tregojnë një person, që besohet të jetë Zheng, një zyrtar veteran i Partisë Komuniste Kineze, duke rrëzuar një poster dhe duke i tërhequr flokët një protestuesi, i cili më pas u tërhoq zvarrë brenda territorit të konsullatës dhe u rrah.
Kearns, kryetare e komitetit për çështjet e jashtme të Commons, tha se dhuna ishte një “përshkallëzim rrëqethës” i shtypjes së Kinës ndaj protestave pro-demokracisë. Ajo bëri thirrje që personat e përfshirë në dhunën e ushtruar ndaj protestuesëve të ndiqen penalisht ose të dëbohen nga Britania brenda një jave.
Kearns tha: Ne nuk mund të lejojmë CCP të importojë rrahjen e protestuesve, heshtjen e fjalës së lirë dhe dështimin e tyre për të lejuar herë pas here protesta në tokën britanike. Ky është një përshkallëzim rrëqethës.
