Naftëtarët e Ballshit sot janë futur në ditën e 12 të grevës dhe ende nuk kanë asnjë shpresë për të marrë zgjidhje për 6 rrogat e pa marra nga kompani të ndryshme.
Megjithëse gjendja shëndetësore është e rënduar ata kanë refuzuar të marrin shërbim mjekësor. Përfaqësuesi i grevistëve Sokol Dautaj thotë se do ti drejtohen ambasadave sepse aktorë të tjerë në vendin tonë nuk po reagojnë.
“Politika nuk po reagon. Lamë afat por nuk e zbatuan. Do ti drejtohemi ambasadave”, ka thënë drejtuesi i grevës Dautaj.
Dje grevisti Pirro Hoxhara është dërguar me urgjencë në spitalin e Ballshit ndërsa raportohet se ka pasur probleme me tensionin.
