Është përkeqësuar situata shëndetësore e naftëtarëve të Ballshit të cilët kanë hyrë sot në ditën e pestë të grevës së urisë.
Naftëtari Aleksandër Meidani, është dërguar me urgjencë në spital pasi gjendja e tij shëndetësore nuk ka qenë e mirë, kjo për shkak të mungesës së ushqimit për 5 ditë me radhë.
Pavarësisht grevës, deri më tani nuk ka patur një reagim nga ana e qeveriosë shqiptare në lidhje me zgjidhjen e kërkesës kryesore të naftëtarëve, marrjen e pagave të prapambetura prej më shumë se një viti.
Greva po zhvilllohet në mjediset e Qëndrës Shëndetësore të Uzinës së Përpunimit të naftës në Ballsh.
