E mërkura e 4 shkurtit ishte dita e Partizanit me klubin legjendar të futbollit shqiptar që festoi 80 vjetorin e themelimit të tij.
Në kuadër të kësaj dite të shënuar për ‘Të Kuqtë’, klubi kryeqytetas organizoi një festë që u zhvillua në kompleksin ‘Partizani’ dhe ku morën pjesë përvec anëtarëve aktualë të klubit edhe ata që dikur kanë qenë pjesë e tij.
Momenti më kulmor ishte ai kur presidenti i Partizanit, Gaz Demi dhe Drejtori i Përgjithshëm, Olsi Rama të përqafuar iu afruan tortës me logon e klubit dhe numrin 80 në të për ta prerë së bashku.
