Jola Hysaj, Sekretare për Marrëdhëniet me Publikun në Partinë Demokratike, gjatë një interviste në Edicionin e Pasdites në Syri Tv me moderatorin Arnold Karriqi, ngriti sërish shqetësime lidhur me çështjen e transportit dhe sigurisë së mbetjeve toksike në Porto Romano.
Ajo theksoi se ky proces ka ngjallur dyshime të shumta për shkak të mungesës së transparencës dhe të dhënave zyrtare. Sipas saj, një pjesë e këshillit bashkiak ka kërkuar informacion shtesë dhe prezencën e ekspertëve të pavarur gjatë transportit të kontejnerëve. Megjithatë, kërkesat e tyre kanë mbetur pa përgjigje.
Kjo situatë, sipas Hysajt, thellon pasigurinë dhe mund të rrisë rrezikun për qytetarët. Për më tepër, ajo shprehu shqetësimin për mënyrën se si po menaxhohet kjo çështje, duke e quajtur një kërcënim për ekosistemin dhe sigurinë e banorëve të zonës.
‘Ajo që na alarmon dhe nga ana tjetër na lindin qindra mijëra dyshime të tjera, më shumë sesa ç’kishim edhe më parë, është mënyra sesi janë transportuar dhe masat e sigurisë të marra ndaj tyre.
Në dijeninë tonë, një pjesë e këshillit bashkiak ka kërkuar dhe ka bërë një shkresë që të ketë më shumë të dhëna lidhur me atë çfarë po ndodh pikërisht me këto mbetje toksike. Gjithashtu, ata kërkuan të ishin prezentë gjatë kohës që transportoheshin në Porto Romano. Por përgjigje nuk iu kthye në asnjë moment.
Advertisement
MONEYGRAM
Nga ana tjetër, nuk kemi informacione nëse është bërë ajo që është kërkuar, pra praninë e ekspertëve të pavarur, pasi prezenca e tyre do të garantonte, deri diku, kontroll mbi përmbajtjen e këtyre kontejnerëve.
Pra, ka shumë dyshime dhe nuk dimë nëse janë mbajtur procesverbalet e para apo të tjera, në të gjitha portet ku kanë ndaluar këto kontejnerë, përfshirë edhe anijen që i solli. Nuk kemi informacion nëse janë bërë procesverbale gjatë transportimit të tyre drejt Porto Romanos.
Ne do të vazhdojmë të kërkojmë gjithnjë e më shumë informacione, por është gjithnjë e më e vështirë, siç ndodh shpesh në Shqipëri, kur në përditshmëri përballemi me përpjekje për bllokim dhe heshtje lidhur me të dhënat e hetimeve. Në këto kushte, rreziku bëhet edhe më i madh.
Advertisement
MONEYGRAM
Sipas dijenisë sime, fillimisht u propozua që asgjësimi i këtyre kontejnerëve të bëhej në det të hapur, duke mos marrë parasysh dëmet për ekosistemin, për ujërat, ajrin dhe tokën.
Aktualisht mendohet që vendosja e këtyre kontejnerëve në Porto Romano mund të jetë një zgjidhje e përkohshme, megjithëse ende nuk dimë se çfarë përmbajnë dhe sa e lartë është shkalla e rrezikut për qytetarët e Durrësit dhe për ata që banojnë në zonën e Porto Romanos. Nuk dimë nëse do të groposen apo asgjësohen në heshtje, siç ka ndodhur shpesh në Durrës.’ – u shpreh Hysaj.
Nën sloganin “për një Europë që qëndron më e fortë dhe më e guximshme në një botë të trazuar dhe në ndryshim”, Qipro ka marrë zyrtarisht Presidencën e Bashkimit Europian.
Prioritet i këtij gjashtëmujori mbetet siguria në kontinentin e vjetër dhe zgjerimi, si një domosdoshmëri gjeostrategjike dhe një investim për të ardhmen e Europës.
Ky gjashtëmujor mbetet i rëndësishëm për Shqipërinë, e cila hyn në këtë vit të ri me të gjithë grupkapitujt e negociatave të hapura, me objektivin për të nisur sa më parë mbylljen e tyre.
Në mesazhin e urimit për homologun qipriot, Presidenti Bajram Begaj shpreh bindjen se Presidenca qipriote do të jetë e fokusuar në procesin e integrimit europian të vendeve të Ballkanit Perëndimor, duke e konsideruar këtë një prioritet strategjik.
Advertisement
MONEYGRAM
Ndërsa më herët, Kryeministri Rama rikonfirmoi angazhimin për arritjen e këtij objektivi kombëtar përgjatë këtij mandati.
Muaji janar konsiderohet si muaji më depresiv në kalendar. Sipas statistikave në këtë muaj ndodhin numri më i madh i vetëvrasjeve, divorceve e shumë njerëz janë keq financiarisht në këtë muaj.
Por cilat janë arsyet që e bëjnë këtë muaj më depresiv dhe si mund të tejkalohet depresioni?
Në depresionin e janarit ndikon e gjithë festa që bëhet në dhjetor për fundvit. Entuziazmi që ndjejmë ne gjatë muajit dhjetor për të festuar, për të bërë dhurata, për ta marrë pjesë në evente, për ta mbyllur vitin, qoftë në punë qoftë ne jetën personale, na merr shumë energji dhe mungesa e energjisë së shpenzuar fillon të vërehet në janar. Gjithashtu janari është muaji ku dita është me e shkurtër dhe nata më e gjatë dhe mungesa e dritës ndikon në çlirimin e menatoninës që është një hormon që na bën të ndihemi me të lodhur dhe më të përgjumur.
Në depresionin e janarit ndikon edhe gjendja ekonomike. Të gjithë e dimë që shpenzimet e pakontrolluara në dhjetor reflektohen në janar dhe të gjitha këto e bëjnë pastaj janarin që të duket shumë i gjatë, që do të thotë se nuk kemi financa të mira, nuk kemi energji, po fillojmë një vit ku nuk e kemi të qartë se çfarë duam prej vetes, na duhet edhe një vetëreflektim.
Advertisement
MONEYGRAM
Megjithatë kjo nuk përjetohet nga të gjithë njësoj, por pë rata që e përjetojnë duhet të bëjnë diçka që të mos e ndiejnë janarin depresiv.
Për të shmangur depresionin duhet që njerëzit të jenë sa më shumë aktivë.
Sharmi dhe bukuria e jashtme nuk zgjasin përgjithmonë, përveç nëse i përkisni njërës prej shenjave të mëposhtme të zodiakut. Duket se koha punon në favorin e tyre dhe ata arrijnë të ruajnë një pamje rinore dhe të bukur, por më e rëndësishmja, të rrezatojnë një bukuri të përjetshme.
Dashi Dashi njihet për vetëbesimin e tij të pakufizuar. Kjo shenjë zjarri nuk e humbet pasionin për jetën me kalimin e kohës. Vendosmëria dhe vetëbesimi i tyre i bëjnë ata tërheqës. Ata janë plot energji dhe pasion për jetën. Ndërsa plaken, ky pasion nuk zhduket, por shndërrohet në një forcë të thellë të brendshme. Ata janë të sigurt dhe e dinë se çfarë duan, gjë që i bën jashtëzakonisht tërheqës për të tjerët. Ajo që ndryshon për Dashin me moshën është një ndjenjë thellimi e qëllimit. Dashi fillon të rafinojë personalitetin e tij të zjarrtë duke e kanalizuar shtytjen e tij drejt qëllimeve kuptimplote. Në këtë mënyrë, ata bëhen më të duruar, të përqendruar dhe të sigurt në vetvete. Është pothuajse sikur grumbullojnë përvoja jetësore dhe e transformojnë entuziazmin e tyre të papërpunuar në një shkëlqim, të cilin e rrezatojnë ndërsa plaken.
Binjakët Binjakët janë shpirti i përjetshëm fëmijëror i zodiakut. Kurioziteti dhe etja për të mësuar i mbajnë gjallë, pasi janë gjithmonë të gatshëm të eksplorojnë botën përreth tyre. Në vend që të kapen pas jetës së përditshme, Binjakët ruajnë shpirtin e tyre rinor, i cili reflektohet në lëkurën dhe energjinë e tyre. Ata janë si vera – bëhen më të bukur me kalimin e moshës. Nevoja e tyre e lindur për të mësuar dhe kurioziteti transformohen në vetëbesim dhe mençuri të thellë. Ata rrezatojnë energji pozitive nga jashtë, dhe bukuria e tyre e brendshme është e papërmbajtshme.
Peshorja Ata që i përkasin kësaj shenje të zodiakut janë të bukur natyrshëm. Harmonia që qeveris personalitetin e tyre dhe qetësia që përpiqen të ruajnë në jetën e tyre i ndihmon të qëndrojnë të qëndrueshëm, paqësorë dhe me mendim të qartë. Në të njëjtën kohë, natyra e tyre e ndjeshme dhe pikëpamja e tyre artistike për jetën reflektohen edhe në pamjen e tyre. Ata e duan luksin dhe kanë tendencë të shohin të mirën tek njerëzit, prandaj mbeten të dashur. Kjo mirësi e lindur shndërrohet në një bukuri që nuk zbehet pavarësisht se sa vite kalojnë.
This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
