Kryeministri britanik, Rishi Sunak, po përballet me zgjedhje të reja të pjesshme, pasi një ish-deputet konservator dha dorëheqjen me efekt të menjëhershëm pas akuzave për ngacmim seksual dhe përdorim droge.
David Warburton është larguar nga selia e tij në Somerton dhe Frome, në Anglinë jugperëndimore, duke u shprehur në një deklaratë se kishte kaluar 14 muaj jashtëzakonisht të vështirë, duke u përballur me akuza dashakeqe, përcjell “ATSH”.
Ai tha se ishte penguar nga Skema e Pavarur e Ankesave dhe Ankimeve (ICGS) që të fliste hapur, ndërkohë që hetoheshin akuzat dhe sugjeroi se me dorëheqjen e tij do të largonte atë që ai e konsideron si të meta të sistemit.
Dorëheqja e tij do të shkaktojë zgjedhje të pjesshme në zonën e tij zgjedhore.
