Dua Lipa u shfaq me një pamje të freskët teksa u mbështoll ngrohtë për të shkuar në një studio të ‘yoga’-s në Londër të premten.
Këngëtarja, 29 vjeç, mbante në dorë atë që duket si një inhalator me avull prej qeramike teksa zbriti nga makina dhe u drejtua brenda ndërtesës, shkruan DailyMail.
Dua kishte një paraqitje elegante dhe për ditën e saj të kujdesit për veten, e veshur me një pallto të bardhë të mbushur dhe një shall të kuq të endur.
Ajo zgjodhi rehati me një palë atlete të zeza dhe u sigurua të tregonte unazën e saj mahnitëse të fejesës, e cila përmban një diamant solitar elegant me një brez ari 18 karatësh dhe është vlerësuar të kushtojë rreth 25,000 funte (30,000 euro).
Këngëtarja e hitit “Future Nostalgia” i kishte kapur flokët e saj të gjatë brune në një topuz të lëmuar dhe kishte shtuar syze të errëta dielli për të kompletuar veshjen e saj të rastësishme.
Dua shkëlqente ndërsa doli pa makijazh, duke shfaqur bukurinë e saj natyrale.
Përveç inhalatorit me avull, ylli mbante me vete edhe një shishe të madhe uji “Evian” dhe një çantë “Chanel”.
Kjo dalje vjen menjëherë pasi Dua dhe i fejuari i saj, Callum Turner, shijuan një takim natën vonë të mërkurën, pasi u panë duke dalë nga Chiltern Firehouse rreth orës 2 të mëngjesit.
Çifti, të cilët së fundmi u raportua se janë fejuar, u larguan nga vendi i njohur i të famshmëve dorë për dore, pasi kaluan një mbrëmje romantike së bashku.
Callum – një aktor i njohur për rolet e tij në filmat “Fantastic Beasts” dhe “The Boys On The Boat” – ka blerë një diamant të rrumbullakët dy karatësh, i vendosur në një brez ari të verdhë 18 karatësh, rreth pesë milimetra të gjerë.
Së fundmi, ata ndezën thashethemet në internet kur u panë duke kërcyer nën Kullën Eiffel gjatë një udhëtimit romantik në Paris.
Më herët gjatë mbrëmjes, ata kishin shijuar një darkë në restorantin “Michelin Parcelles”, i cili ndodhet në Rue Chapon, një nga rrugët më të njohura të Parisit.
Çifti dukej si një ëndërr dashurie teksa lëkundeshin në krahët e njëri-tjetrit përpara strukturës ikonike.
Dua dhe Callum ndezën për herë të parë thashethemet për një romancë në janar 2024, kur të dy morën pjesë në një after-party të serialit “Masters of the Air” në Londër.
Para se ta bënte publike lidhjen e saj, këngëtarja e “Dance the Night” zbuloi gjatë promovimit të albumit të saj “Radical Optimism” se i ishte dashur të gjente sërish “besimin” pas disa lidhjeve që nuk kishin shkuar siç duhet.
Duke folur për Zane Lowe në Apple Music 1, ajo tha: “Në aspektin e marrëdhënieve, më duhej të arrija në këtë pikë për të kuptuar se çfarë më nevojitej vërtet”.
Duhet të jesh në procesin e faljes, të rritjes dhe të mësimit, dhe të jesh në paqe me të kaluarën në mënyrë që të ecësh përpara me atë që vjen më pas.
“Për mua, ‘Happy for You’ është një këngë e bukur dhe e lumtur, sepse reflekton udhëtimin tim”.
“Mendoj se me çdo marrëdhënie dhe çdo përvojë mëson më shumë për veten tënde, mëson çfarë të lëndon, çfarë pret, çfarë duhet të jesh i gatshëm të japësh gjithashtu. Gjithçka lidhet me shkëmbimin e ndjeshmërisë”.
“Kam pasur marrëdhënie që kanë qenë vërtet të dhimbshme, sidomos në fillim, ku më është bërë të ndihem jo mjaftueshëm e mirë ose më kanë bërë të humbas besimin në veten time dhe kam pasur nevojë ta gjej atë sërish”, tha Dua.
“Mëson për gjërat që nuk negocion dot. Ky është një element i rëndësishëm. Nuk ka të bëjë vetëm me personin e duhur, por me marrëdhënien e duhur”.
“E gjen këtë si në miqësi, ashtu edhe në marrëdhënie dashurie – për ato gjëra që nuk mund të bësh kompromis”.
Që nga fejesa e tyre, Dua ka filluar të ndajë më shumë momente me Callum në Instagramin e saj, në një seri postimesh të mbushura me dashuri – së fundmi duke u parë së bashku në lansimin e “Tiffany Titan” nga Pharrell Williams në Javën e Modës në Paris.
