Dua Lipa dhe i dashuri i saj, Anwar Hadid duket se nuk i ndjekin më rregullat e vendosura nga qeveria britanike për distancimin social. Javën e shkuar të dy ata lanë shtëpinë e tyre për të darkuar me prindërit e Duas dhe të njëjtën gjë kanë bërë edhe ditën e djeshme.
Këngëtarja me origjinë shqiptare iu bashkua të enjten festës familjare për 19-vjetorin e lindjes së motrës së saj, Rinës. Dua publikoi në rrjete sociale foto nga festa dhe në to shfaqej me flokë të kuqe, diçka që konfirmon se imazhet janë shkrepur së fundmi.
Ndërkohë pak ditë më parë kryeministri i Britanisë, Boris Johnsson tha se qytetarët mund të vizitonin familjarët vetëm nëse ruajnë distancën dy metra dhe qëndrojnë në ambiente të jashtme. Britania i ka ndaluar takimet me njerëzit e dashur që nga 16 marsi, një javë para se të vendosej izolimi total në 23 mars.
