Pop ikona kosovare, Dua Lipa, nuk po rresht së promovuari festivalin Sunny Hill, njëkohësisht edhe Kosovën, përmes platformës së saj të jashtëzakonshme në internet.
Sunny Hilli ka qenë njëmend spektakolar që prej 4 gushtit kur ka filluar, e në të njejtën mënyrë pritet të konkludohet edhe sonte, në natën e fundit.
Artistë si vetë Dua, Skepta, AJ Tracey e J Balvin kanë performuar në miksin e dhjetra top këngëtarëve të tjerë lokalë në festivalin që po mbahet në Parkun e Gërmisë.
E Lipa po feston me bashkëkombasit e saj për çdo natë, duke shijuar nga afër performancat që i ka prenotuar vetë ajo, apo babai i saj, Dukagjin Lipa.
Ajo në postimin që ka bërë sot, e dielë, ka përfshirë ca foto e video nga momente të ndryshme në festival, ku shihet përkrah edhe disa prej top performuesve.
“Duhet të vini e ta shihni vetë”, ka shkruar ajo në Facebook e Instagram, ku ka plot 18 milionë ndjekës respektivisht 85 milionë nga e mbarë bota.
Shikoni më poshtë.
