Një 38-vjeçar është qëlluar për vdekje nga persona ende të paidentifikuar. Ngjarja ka ndodhur pas mesnate, tek shinat e trenit në Sukth, Katund.
Policia bëri me dije se 38-vjeçari pas atentatit u dërgua në spital, aty ku dhe ndërroi jetë si pasojë e plagëve të marra.
Policia mbërriti menjëherë në vendngjarje dhe po punon identifikimin dhe kapjen e autorëve.
Në ndihmë të Policisë vendore janë nisur dy grupe të FNSH-së Tiranë.
“Në Katund, Sukth, tek shinat e trenit, nga persona ende të paidentifikuar është qëlluar me armë zjarri shtetasi F.D, 38 vjeç, i cili u transportua menjëherë në spital për ndihmë mjeksore, por si pasojë e plagëve të marra ka ndërruar jetë në spital”, thuhet në njoftim.
Kjo është ngjarja e dytë e rëndë që ndodhi në harkun e 24-orëve, pasi kujtojmë se ditën e djeshme një tjetër vrasje ndodhi në Rrëshen, ku dy persona qëlluan me armë për vdekje Martin Bardhin dhe plagosën 3 të tjerë.
