Albania

Dy fytyrat e Ramës për lugën bosh ndaj pensionistëve

Published

1 year ago

1 November, 2024

albnews

Për herë të parë që kur i shpërndau pensionistëve një shtesë rreth 4 mijë lekë të vjetra, Edi Rama u detyrua të përballet me ta në studion e Opinion jashtë skenarit të takimeve me regji, ku i jep vetes mundësinë të recitojë i pashqetësuar monologjet e rastit. Ishte momenti kur drejtuesi i emisionit e kaloi mikrofonin tek pyetjet e drejtpërdrejta nga publiku. (VIDEO KETU)

“Si ka mundësi, nëse do kishit pension 150, 200 mijë lekë dhe të jetonit dhe ta nxirrnit muajin? Me shtesat që bëtë tani 4 mijë lekë, janë qesharake 2 kafe dhe 2 sheqer, të tallesh me një pensionist që ka punuar 40 vjet? Më jep një shpjegim si mund të jetosh?” ishin pyetjet që i drejtoi një prej të moshuarave në sallë.

Përgjigjet që shefi i qeverisë ndahen në dy dy lloj. Së pari ishte përpjekja për t’u justifikuar dhe për t’i bindur duke bërë një paraqitje të situatës ekonomike në vend përmes shifrave dhe grafikëve që kishte sjellë me vete. E dyta ishte e një lloji tjetër, kur Rama e pa se u zu ngushtë dhe nisi të shpikë shpjegime idiote, të imponohet me skenarë apokaliptikë apo edhe t’i kërcënojë.

Shpjegimi i kryeministrit përmes të dhënave të buxhetit

Kryeministri tentoi t’i bindë të moshuarit se qeveria e tij po bën aq sa ka mundësi. Për këtë ai dha disa argumenta. I pari ishte se numri i pensionistëve është rritur ndjeshëm vitet e fundit.

“Është rritur numri i pensionistëve. Në 2013, ka pasur 570 mijë pensionistë. Tani ka 700 mijë që do të thotë nevoja për të financuar 200 mijë pensionistë është e jashtëzakonshme” tha Rama.

Argument tjetër i Ramës ishte se shteti “sot që flasim vë 500 milion euro plus në fondin e pensioneve” për të paguar pensionistët.

Tjetër argument ishte se “pensioni mesatar në vitin 2013 ishte 101 euro, ndërsa sot pensioni mesatar ishte 183 euro”.

Ndërkohë kryeministri theksoi disa herë se “indeksimi i pensionit nuk është rritje e pensionit”, por bëhet për të përballuar rritjen e çmimeve, dhe se 4 mijë lekët ishin 100 milion euro shtesë në buxhet.

Por kur të moshuarit i kanë përsëritur pyetjen se “Si mund të jetohet me 200 mije lekë?”, Rama nxjorri fytyrën tjetër.

Piruetat për t’iu shmangur të vërtetës dhe mbyllja e debatit me një kërcënim

Kur të moshuarit që ishin në sallë nuk janë bindur nga ekpozeja që beri kryeministri situatës ekonomike, ky e pa veten në vështirësi. “O Fevzi po ça po bon ktu mo?” u detyrua të kërkojë llogari nga drejtuesi i emisionit, ndërsa refuzoi të dëgjonte disa herë se që nga viti 2013 çmimet kanë pësuar një rritje të frikshme.

Këtu Rama ka nxjerrë fytyrën tjetër, atë të politikanit që tenton t’i shpëtojë të vërtetës, nëpërmjet retorikës boshe.

E tillë ishte përgjigjia sipas së cilës, paratë e buxhetit shkojnë për fëmijët dhe jo për pensionistët.

“Nëse doni të kuptoni dhe të bisedojmë konkretisht bëjeni me mua. Nëse doni përralla dhe lodra, keni plot për lodra, unë s’jam për lodra. Unë ju kam thënë me kohë: Pensionet ne do t’i shikojmë kur të kemi fuqi t’i shikojmë sepse ne nuk mund të bëjmë luftë me fëmijët. Taksat janë për fëmijët nuk janë për të moshuarit. Janë për kopshte, për shkolla, për fëmijët. Sa më shumë të marrësh nga taksat aq më shumë i godet ata” tha Rama.

Një tjetër piruetë që u detyrua të bëjë Rama ishte ideja që hodhi, se nëse paratë do të shkojnë të gjitha për pensionet, mund të ndodhin skenarë apokaliptikë si ai me firmat piramidale, që “shkatërrojnë shtetin” apo se shoqëria siç tha ai “mund të vdesë”.

“Duhet balancë. Nuk mund të merren nga taksat dhe të futen te pensionet se vdes shoqëria, komplet, nuk merr dot frymë. Përveçse hyn në ato tmerret financiare.” tha Rama ndërsa gjendej nën një kërkesë të pazakontë llogarie për të.

Pavarësisht këtyre, ankesat nuk kanë pushuar. Si për rritjen e çmimeve, faturat e energjisë elektrike, vonesat në shërbimet në shëndetësi, pagesat në spitale, çmimi i naftës etj.

Kulmi ka qenë kur një prej pensionisteve i ka përsëritur se pensioni që merr është 200 mijë lekë dhe me të, nuk mund të bësh asgjë. Këtu shefi i qeverisë ka bërë një reagim kërcënues, duke i thënë bashkëbisedueses të ketë kujdes çfarë flet sepse duhet të mendojë për familjen e saj.

“Vetëm një këshillë të jap unë: Nëse do veten, familjen dhe punën mos voto ato që je mësuar të votosh. Se e kuptoj se çfarë po thotë” u shpreh Rama.

Kërcënimi ishte i drejtpërdrejtë dhe vjen nga kryeministri që ka nën vete një ushtri patronazhistësh, të cilët mund të gjejnë në pak sekonda të afërmit, burimet e të ardhurave, punësimet në shtet apo biznesin që disponon një familje. Me këtë kërcënim është mbyllur edhe biseda për pensionet.

Në fakt, fjalët intimiduese të Ramës nuk duhen parë thjesht simptoma e një njeriu që nuk është mësuar ta kundërshtojnë, por ajo është edhe prova më e mirë se luga për pensionistët është bosh, ndërsa e gjithë përpjekja për të bashkëbiseduar me ta në të gjithë Shqipërinë, është një operacion banal propagandistik. ©Lapsi.al

Albania

Gjykata refuzon sekuestrimin e 20 pasurive të Kristjan Boçit dhe Elman Abules

Published

5 hours ago

2 January, 2026

albnews

Gjykata e Tiranës, ka vendosur të mos sekuestrojë rreth 20 pasuri me vlerë gati 50 milion euro, për të cilat policia dhe prokuroria e kryeqytetit, ka pasur indicie të forta se vijnë nga aktiviteti kriminal i personave që i posedojnë ato.

Informacionet e siguruara nga gazetari Elton Qyno, tregojnë se miku i Erjon Veliaj, Elman Abule, që sot në Tiranë konsiderohet biznesmen i sukseshëm, në vitin 2004-2005, ka qënë në Belgjikë një hajdut i dhunshëm, duke përdorur çelësa të kopjuar dhe metodën e thyerjes.

Drejtoria e Interpolit në 12 shtator 2023 është informuar se Elman Abule rezulton i dënuar më datë 17 janar 2007, nga Gjykata e Antvvep, me 30 muaj burg për veprën penale të “Vjedhje me thyerje ose duke përdorur çelësa të kopjuar dhe krijim bande”, duke u dënuar ky shtetas me 2 vjet burg me kusht dhe 1 vit vit në burg për “krijim bande”.

Gjithashtu, rezulton se miku i Abules dhe ish-ortak me subjektin “Rametal” dhe shoqërinë tjetër “Ferro Chrome Holding”, ka qënë Kristian Boçi, i përfshirë në veprimtari të paligjshme dhe i arrestuar në vitin 2011 në Itali, i cili njihet për lidhjet e tij dhe me persona të tjerë të përfshirë në trafikun ndërkombëtar të narkotikëve si Eldi Dizdari.

Gazetari Qyno,ka mësuar se vendimi i mospranimit të kërkesës së prokurorisë, është dhënë pak ditë më parë nga gjyqtari i Tiranës, Altin Abdiu, i cili në fillim të muajit qershor 2025 u rikthye në funksionin e gjyqtarit nga Komisioni i Posaçëm i Apelimit.

Abdiu, refuzoi të sekuestrojë 20 shoqëri tregtare, dyqane, apartamente e vila me vlerë rreth 50 milionë euro, të cilat zotërohen nga Kristian Boçi, Elman Abule, mik i afërt i Erjon Veliaj, Vladimir Avramit si dhe 4 personave të tjerë të lidhur me këta persona.

Ndërkohë pritet që me zbardhjen e vendimit të gjykatës, prokuroria e Tiranës të ushtrojë Apelim në gjykatën e Apelit, duke kërkuar sekuestrimin e këtyre pasurive.

Albania

Stuhia Arktike mbërrin në Evropë: ç’mund të presë Ballkani?

Published

5 hours ago

2 January, 2026

albnews

Pas një periudhe moti më të qëndrueshëm të dominuar nga blloku i fortë Rex, i cili ruajti kushte relativisht të qeta dhe shpesh të buta në pjesën më të madhe të Evropës gjatë periudhës së Krishtlindjeve, rrethanat në atmosferë po ndryshojnë.

Ky sistem me presion të lartë po lëviz ngadalë drejt perëndimit, duke hapur rrugën që masat e ftohta ajrore Arktike të zbresin drejt pjesëve qendrore, lindore dhe jugore të kontinentit, shkruan Severe Weather.

Një rënie e ndjeshme e temperaturave

Ndërsa blloku i Rex-it tërhiqet, po formohet një model i ashtuquajtur dipolar moti, një anticiklon i fortë mbi Atlantikun dhe Evropën Perëndimore, ndërsa një ciklon thellohet mbi pjesët lindore dhe veriore të kontinentit.

Kjo lejon depërtimin e ajrit të akullt nga veriu dhe verilindja, i cili do të sjellë temperatura dukshëm më të ulëta dhe reshje bore të rastit para Vitit të Ri.

Sipas modeleve të parashikimit, masa e ajrit të ftohtë mund të jetë 10-15 °C nën vlerat normale për fundin e dhjetorit dhe fillimin e janarit, gjë që do të rezultonte në një rënie të ndjeshme të temperaturave dhe ngrica në shumë rajone. Lëvizja më e ftohtë e ajrit të ftohtë pritet praktikisht në të gjithë Evropën qendrore dhe lindore, dhe në disa zona temperaturat e mëngjesit mund të bien nën -10 °C.

Ndërsa temperaturat bien, mund të pritet borë në zonat veriore dhe lindore të kontinentit, ndërsa në zonat perëndimore si Mbretëria e Bashkuar dhe Irlanda, ajri i ftohtë do të kontribuojë gjithashtu në formimin e kushteve me borë në ditët e para të vitit 2026.

Rrotullimi i temperaturës

Pas ndërhyrjes fillestare të masës së ftohtë, kushtet atmosferike mund të bëhen përsëri më dinamike. Pritet që në të njëjtën kohë me rrymat më të ftohta veriore, rrjedha e ajrit më e ngrohtë, jugore do të kthehet gradualisht, veçanërisht përgjatë Mesdheut.

Ky kombinim i masave të ndryshme ajrore mund të çojë në modele të papritura të motit – nga ditët e ftohta dhe me borë në rajonet veriore deri te kushtet më të theksuara më të ngrohta dhe më të lagështa drejt jugut dhe jugperëndimit të kontinentit.

Shkurt, ditët e para të vitit 2026 mund të shënojnë fillimin e vërtetë të sezonit të dimrit, me një valë të dallueshme të ftohtë dhe episode bore, por edhe me mundësinë e ndryshimeve më të shpejta të motit ndërsa modelet atmosferike vazhdojnë të zhvillohen.

Ngrohtësia dhe shirat e rrëmbyeshëm po kthehen në Ballkan

Ndërsa perëndimi i Evropës do të ngrijë, situata në zonën tonë do të përmbyset plotësisht. Do të vendoset një rrymë e qëndrueshme jugperëndimore, e cila do të sjellë ajër dukshëm më të ngrohtë dhe më të lagësht nga Mesdheu drejt Evropës qendrore dhe lindore dhe Gadishullit Ballkanik. Kontrasti i temperaturës në të gjithë Evropën do të jetë i madh.

Në Ballkan dhe Evropën Lindore, temperaturat mund të jenë deri në 15 °C më të larta se mesatarja, dhe vlerat ditore do të arrijnë lokalisht 15 °C. Sasia e lartë e lagështisë do të sjellë edhe reshje të dendura shiu, veçanërisht në shpatet jugore të Alpeve dhe shpatet perëndimore të Dinarideve dhe Apenineve, ku gjatë javës mund të bien midis 150 dhe 300 milimetra shi.

Albania

Krijohet kompania shtetërore e transportit/ Balluku emëron administrator këshilltarin e saj

Published

5 hours ago

2 January, 2026

albnews

Ministria e Infrastrukturës regjistroi në Qendrën Kombëtare të Biznesit kompaninë shtetërore, e cila do të ofrojë shërbime të transportit publik. Përmes krijimit të kësaj kompanie, qeveria vendos të hyjë direkt në një sektor të rëndësishëm, i cili deri më sot ka qenë ekskluzivisht domain i kompanive private.

E pagëzuar me emrin Mobal, kompania do të ketë si objekt operimin e shërbimit të transportit publik rrugor të udhëtarëve, përfshirë destinacionet turistike. Paralelisht kompania shtetërore do të ofrojë edhe transportin e nxënësve dhe mësuesve

Por, Mobal nuk do të funksionojë vetëm si ofruese shërbimi, por do të ketë edhe shumë më tepër kompetenca, përfshirë edhe organizimin, licencimin dhe monitorimin e shërbimeve të transportit publik sipas legjislacionit në fuqi. Gjithashtu, do të zhvillojë dhe menaxhojë sisteme digjitale dhe aplikacione për mbikëqyrjen dhe informimin në kohë reale mbi shërbimet e transportit.

Sipas dokumentave të depozituara në QKB administratori i kompanisë është emëruar Henri Telharaj, i cili deri më tani ka mbajtur postin e këshilltarit të Belinda Ballukut. Kompania do të ketë një kapital fillestar prej 10 milionë lekësh, i disbursuar nga fondet e buxhetit të shtetit, ndërkohë që mbetet ende e paqartë se cilat linja do të operojë ajo.