Dy shtetas të Serbisë janë dëbuar nga Kosova, nën dyshimin se kanë hyrë ilegalisht në territorin e Kosovës.

Siç njofton Policia, të dyshuarit gjatë identifikimit dhe kontrollimit nuk kanë mundur ta dëshmojnë hyrjen legale në Republikën e Kosovës.

Njërit të dyshuar i shqiptohet dënimi për të huaj, dëbim me forcë dhe ndalim hyrje për tre muaj në territorin e Kosovës, ndërsa të dyshuarit tjetër ndalim hyrje për dymbëdhjetë muaj.

Rasti ka ndodhur në rrugën “Nemanja” të Leposaviçit.