Ndonëse janë mbi 16 mijë të infektuar nga koronavirusi në kontinentin afrikan, dy vende kanë mbetur të paprekura nga pandemia, transmeton Anadolu Agency (AA).
Qendra afrikane për kontroll dhe parandalim të sëmundjeve (Afrika CDC) njoftoi se numri i të infektuarve në këtë kontinent është rritur në 16.285.
Gjatë 24 orëve janë konfirmuar më shumë se 1.000 raste të reja të infektimit, por në Lesoto dhe Ishujt Komore që gjenden në juglindje të kontinentit, ende nuk është regjistruar asnjë rast me koronavirus.
Në njoftim thuhet se numri i të vdekurve në kontinent si pasojë e COVID-19 është rritur në 874.