Ky është momenti i pështirë kur një grup minatorësh i hodhën karremin një ariu të murrmë vetëm për ta hedhur në erë me eksploziv.
Të filmuar në një minierë të largët të Siberisë, punëtorët vranë kafshën duke e joshur për ushqim, ku edhe kishin montuar një bombë, përcjell Telegrafi.
Arinjtë tërhiqen nga ushqimi i hedhur në vende të tilla dhe minatorët hodhën një kurth për të kapur një të tillë.
Në videon thellësisht tronditëse, burrat dëgjohen duke folur ndërsa bisha e rritur tërhiqet nga një tenxhere me ushqim dhe afrohet.
Nuk u zbulua nëse vendi është një minierë diamanti apo qymyri.
Por zyrtarët në Yakutia – rajoni më i ftohtë i Rusisë – po i akuzojnë minatorët për përdorimin e eksplozivëve për të vrarë kafshët dhe për mizori ndaj kafshëve të egra.
Deputeti rus kundër mizorisë ndaj kafshëve, Vladimir Burmatov tha: “Unë tashmë kam të bëj me këta të degjeneruar. Do t’i futim në burg”.
