Alpinisti 80-vjeç, Harry Harvey nga Britania e Madhe i cili konsiderohej i zhdukur, është shfaqur i gjallë dhe i shëndoshë në një konferencë për media, në të cilën familjarët e tij synon t’i bëjnë thirrje qytetarëve që të lajmërohen nëse kanë çfarëdo informacioni për të.
Harvey ishte zhdukur të shtunën kur u nda nga grupi i alpinistëve gjatë të reshurave të mëdha të shiut.
Ai ishte raportuar si i zhdukur të dielën, kur edhe menjëherë filluan operacionet e kërkim shpëtimit. Ata i kaluan dy ditë duke e kërkuar dhe pa ndonjë sukses – nuk e gjetën.
Pas tri ditëve, atë e shpëtoi një fotograf që i kishte parë videot ku bëhej apel për ndihmë dhe e kishte vërejtur Harvey duke ia bërë me dorë.
Ai shpjegoi se kishte ngatërruar rrugën, por nuk ishte pushtuar nga paniku dhe menjëherë i erdhi në mendje plani B – duke vendosur tendën në një hapësirë ku e kishte më ngrohtë.
Ai thotë se nuk brengosej edhe aq shumë sepse kishte me vete pajisje që e ndihmonin të mbijetonte në mal.
“Kur u shfaq para familjarëve, kishte fasha në kokë, kurse një plagë i ishte shkaktuar nga rrëzimi në terrene malore.
